Best Picture

Mga 300 pictures na ang meron ako from the PB 2G Palawan Trip.  Di pa kumpleto ang kay Tita Edith nyan, at wala pa ang kay Tito Egay.  Adik talaga tayo sa pictures!

Aling PB 2G Group Pic ang pinaka-gusto ninyo?  Puwede nating gawing poster o kaya calendar, di ba?  Bumoto ng alin man sa 8 pictures na ito.

01 - @Airport

02 - Outside Airport

03 - Lunch by the Pool

04 - Bagets @ Pandan Island

05 - @ the Hotel

06 - @Hotel Beach

07 - Uwak

08 - @ Underground River

PB2G - G2Palawan - Final Day

Nakawala sa Hassle.

Ganito kasi.  Nakabalik kami ng hotel nga mga 12noon.  Supposedly, dadalhin kami ng mga vans to a tiangge first for shopping before going to the airport.  The flight was @ 5:30pa kasi.  Kaso di na puwede ang vans, instead ihahatid kami ng hotel shuttle.  Ang pangit dito 3pm pa.  Patay, so ano gagawin namin ng 3 hours di ba.

Merong nag-swimming, merong natulog, merong nagkape, nagbasa ng dyaryo, nag-ayos ng maleta.  Pero talagang BOREED to death na ang mga tao.  Until...

na-decide ni Par na ilibre kami for merienda.  Yehey!  Inupakan namin ang natirang Pistachio for appetizers.  Tapos nag-orderan na kami ng drinks.  Mostly softdrinks para maka-tipid.  Except merong umorder ng Mango-Melon shake, bilang pag-ganti sa ginastos kagabi (di natin sasabihin kung sino), hehe.

We had one of the best tasting pansit ever.  Pansit na may pusit.  Cool.  Many thanks Par!

@3pm, pumunta na kami ng airport.  Very orderly ang check-in, walang ka-hassle-hassle, thanks to Par and Tito Ido.  Yung iba nga nag-shopping na naman, why not?

At sinagot ni Tita Bhogs ang Terminal Fee namin.  Nakalimutan ko na nga na sinagot niya ito during the meeting. So alam nyo yung feeling na dapat magbabayad ka tapos, may manlilibre pala.  Ang saya!  Again, maraming salamat Tita Bhogs!  Nakabili pa tuloy kami ng Dream Catcher necklace =)

the flight was delayed by 15 minutes.  so tambday lang kami sa Waiting Area (ang iitim namin!)

and babay na sa napakagandang Palawan

(last pics of the trip inside the plane - di kami nanalo sa Pinoy Henyo contest)

Katabi ko sa plane pauwi si Tita Edith.  Dami namin napagkuwentuhan =).  A perfect ending to the trip from a personal perspective.

******************

Sobrang daming memories ng trip na ito.  Bukod sa napakagandang lugar at mga activities, ang dami ring memories dahil magkakasama-sama ang PB.  For one, this is the first time na naka-travel ang 2G na magkakasama.  We had to wait 52 years para mangyari ito.  Sa tingin ko, sobrang sulit ng paghihintay.

Pag sinubukan nating ilista kung ano ang paboritong ala-ala ninyo sa trip, malamang lagpas kalahati dun ay di dahil sa lugar, kundi dahil sa kasama.  Napakagandang 3 days, na mahirap talagang makalimutan

Pauwi, nag-u-usap na ng PB 2G Outing 2011.  Sana matuloy.  Hanggang sa muli.

PB2G G2Palawan - Day 3 Undreground River

Day 3 ang pinakamaikling araw ng Tour, kasi nga uuwi na ng Manila kinahapunan.  Pero katulad ng ibang araw, maaga pa rin nagsimula. 

Kasi ang van pick-up ay 6:30am.  At kelangan ng mag-check-out bago umalis.  So 5:30 pa lang breakfast na.

Pagkatapos ng breakfast at check-out, syempre picturean na naman.  Sa harap ng hotel, bilang paalam sa Microtel.

After ng picture-taking, bumiyahe na kami papuntang Underground River.  Very excited ang marami, papunta dito.  Kasi nga di ba listed to in the Modern Wonders of the World - ang kaisa-isang site sa Pilipinas na asa listahan.

The drive to Underground River takes 1.5 hours.  On the way there, merong insidenteng naganap.  Ang almusal kasi namin ay bangus at tocino, kaya gumawa si Tita Yet ng goto.(haha talagang blinog pa)

(walang nakakaligtas sa PB Blog Paparazzi - ayan, sariwa at namumutla pa)

Na-flatan ng gulong ang isang van, so kelangan naming huminto para mag-change tires.  Imbes na malungkot at mainis...siyempre nag-picturean pa kami.  Bilang alay sa pag-tawag ni Ate Yet ng ibon, ang posing namin ay pagpupugay sa - UWAAAK!  UWAAAK UWAAAK.  Mga pasaway talaga.

Mga past 8 ng makarating kami sa daungan ng bangka papuntang Underground River.  Pagkatapos kasi ng 1.5 hours na byahe, meron pang 20 minutes na banca-ride.  6 lang ang maximum sa banca, so nag-split kami into 3 boats.

(pasakay na kami sa banca papuntang UnRiv)

Banca 1 - Mga Batang Uwak

(ampogi ko dito)

Banca 2 - Golden People

Banca 3 - Walang Film

Grabe naman ang boatride papuntang Underground River - iyon pa lang panalo na!  Eto ang nakuha naming 3 sa mga nicest pics:

We can have a full album of only Underground River pictures.  Sobrang ganda nga kasi at kakaibang experience - once in a liftime experience kung baga.

Underground Boat 1 (with the best boatman at UR - Randy, hanapin nyo siya)

Underground Boat 2

(Will create an online album in the blog for Underground River - sobrang daming pics)

Natapos kami from Underground River around 10am. We had lunch kasama ng mga monitor lizards(bayawak).  OK din lunch namin - hipon, gulay, baboy at dessert.   Tapos balik na kami sa hotel

PB2G G2Palawan - Day 2 Dinner

Maraming salamat kay Tito Jorge and Tita Helen para sa aming Day 2 Dinner! 

Una pumunta kami nila Tito Jorge sa Kinabuch Grill.  Nirekomenda kasi ito ng isa sa mga tour guides.  Nang dumating na kami dun...Hmmmm.  Di impressive.  Tapos puna na rin ang main dining hall.  So balak kaming ilagay malapit sa parking lot.  Sabi nga ni Tito Jorge, "Puwede kang pumarada ng tricycle habang kumakain".  So nag-tricycle kami para sa isa sa mga sikat na restaurant sa PP - ang Balinsasayaw.

Sa Inggles, ang Balinsasayaw ay Swallow, iyong ibon na pangkaraniwan sa Palawan, lalo na sa El Nido.  Dito nga nanggaling ang sikat na Nido Soup.  Korek! at pasintabi sa mga kumakain - ang laway ng swallow na ginagawang pugad o nest ang main ingredient ng Nido Soup.

At ang laki naman ng ganda ng ambience ng Balinsasayaw kesa sa Kinabuch.  Native Filipino resto kasi.  So apart from maganda na ang entrance (parang Bahay Kubo within a Garden), OK pa rin ang dining area - consistent with the native theme.

(Nagsimba nga pala ang isang van, kasama nila Sr. Vicky.  Sayang talaga at di na kami kasya, so nauna na lang kami sa Dinner place =)

So Umorder na rin kami.  As usual, ang dami na naman naming food.  For starters, we had Corn Soup. Sarap!  For main course, we had Chicken Barcbecue (specialty ng resto), Ensaladang Talong, Lumpiang Shanghai, Shrimps.  Deliberately, iniwasan na ni Tito Jorge ang Tuna kasi nga 3-in-a-row na kami.

(mapupula na ang hasang - tanned from Honda Bay)

30 minutes after, dumating na rin ang mga nag-simba.  Actually, nag-shopping pa pala sila kaya natagalan.  Ngapala by this time, kasama na namin si Tita Eyan.  And by then, nagawa na rin niya ang customary Puerto Princesa welcome.

After dinner, nagsakitan po ang tiyan ng marami sa amin.  LBM in Palawan eeeuuuw.  Di nga namin ma-gets ang pattern, kung bakit sila nagkanun.  For example, ako kinain ko naman lahat at uminom din ng tap water, pero wala namang nangyari.

Ngayon ko lang naisip, teka baka ang LBM ay dulot ng Avocado Shake at Pag-pa-paHenna. Sila po ang matinding tinamaan(so kilala nyo na sila), at wala na talagang common sa kanila bukod dun. I don't think galing sa Balinsasayaw ito.

One of the best pictures of our 3 Day trip was taken during the Day 2 Dinner @ Balinsasayaw.  Talagang lahat tumatawa, maski na nga waiter.  Si Tito Jorge, sobrang pula na rin.  Dahil sa sobrang daming jokes nung gabing yon, nakalimutan ko na ang "hawak sa baba" joke.  Ano nga yon?

PB2G G2Palawan - Day 2 Island Hopping

Syempre, since Island Hopping - konti lang ang pictures namin ng Day 2.  For example, wala nga kaming dala maski na ano papunta sa Snake Island.  Talagang snorkel lang.  Concerned nga kami ni Tito Jorge kay Ate Edith - biruin mo iniwan niya ang wallet niya sa boat.  Grabe, pag may nakakuha nun, puwede ng bilhin ang island.

Anyway, favorite talaga ng 2G ang Pambato Reef.  Eto yung, pupunta sa laot malapit sa Coral Reef "House", at dun mag-snorkel.  Ang lakas nga lang ng current at talagang tatangayin ka pag di ka nag-effort lumangoy. Pero maski kakapagod ...Go! pa rin kami. 

Pangalan pa nga lang kasi...so sa Pambato Reef mo makikita ang mga magagandang corals sa Pilipinas.  Tinuro nga sa akin ni Tito Egay ang isang coral na kulay Blue - astig, parang pelikulang Disney.  Andito rin ang mga interesting species ng fish.  Meron ngang Tiger Fish, Swordfish, Dilis, parang-Talakitok fish, parang Tilapia-fish, at parang Galunggong.  Parang lang siyempre, malay ba namin, di na naman namin tinikman.

(ready na mag-snorkel.  hmm bakit si ayo mukhang isda na)

(the Lising Ladies coming back from the Pambato Reef)

(sobrang saya sa Pambato reef, pero kakapagod talaga as you can see from Tito Par and Tita Bhogs)

(Tito Egay and Tito Egay swimming back against the strong current)

(Tita Vangie, Tito Jim, Tito Ido, Tita Che, Tito One and Tita Eyan waves across to Sr. Vicky and Tita Edith)

Di na sumama sa aming mag-snorkel sila Tita Edith, Tita Ate, at Sr. VIcky.  So nung pabalik na kami from Pambato Reef, naganap ito between Tita Yet and Tita Edith.

Tita Yet:  "Grabe 'Det sobrang daming isda dun!"

Tita Edith:  "Syempre dagat yan.  Ngayon pag nakakita ka ng kalabaw diyan, tawagin mo ako".

Day 2 - Issues

Mga alas-onse ng umaga ng Day 2 nung masimulang ma-high blood si Tita Edith.  Kasi daw, nagbabalak gumimik ang mga 3G.  Tipong lahat ng sasakyan nila ay naka-schedule gamitin.  Hmm. may problema pa rin pala maski 4 ang sasakyan.  Anyway, ayun na po, nasimula ng tumaas ang presyon ni Tita Edith.

Naalala ko lang, si Par ay nagsimula ng magtatawag ng mga 3G para kausapin at intindihin ang plano.  Tinawagan ni Tito Par si Karen, Evot pati ata sila Kevin.  Medyo matagal din naging topic ito e.  Actually sobrang concerned talaga ng mga 2G dito ha.  Napapataas nga sila ng boses e, habang dini-discuss ang issue.

Sa sobrang concerned, eto nga ang mga example na reaksyon.
Tito Ido - Ayo, bili mo pa nga ako ng isang buko.  Sarap e.
Tito Jim - magpa-henna tattoo kaya ako.  At nagpa-henna nga siya ng scorpion sa braso
Tito One - Ako rin!  At naghenna nga siya ng Sun with the letter R.(May bago ka na naman,'Ne, letter R?)

Sobrang concerned talaga sila.  Actually nalimutan ko na nga kung paano na-resolve ito e.  Parang si Evot na nga ba ang mag-dri-drive o si Boyet.  Basta daw, hindi si Karen - kasi delikado talaga pag siya ang nag-drive, bagong bili kaya ang Montero.  hehehe.

Di ko sure kung ano ang opinyon ng ibang 2G tungkol dito.  Sayang nalimutan kong interviewhin si Sr. Vicky, kasi nga busy ako sa pag-plano ng kakainin ko for lunch.  Kakapagod kaya mag snorkeling.

Ang nasabi ko lang ata ay, "Ang tatanda na ng mga yan ano?!  Bakit ano ba pinaggagawa nyo nung 20 years old kayo"?  Mwahaha.  text nyo na lang ako mga 3G kung gusto nyo malaman.  Pero since tinignan nila ako ng masama sa sinabi ko, kumuha na lang ulit ako ng crabs. 

In summary, ano bang masasabi ninyo dito?  Basta ako, eto lang - ang sarap ng buko juice pag asa beach.

PB2G G2Palawan - Day 2 Honda Bay

Our Day 2 started really early.  6am palang nag-breakfast na, kasi ang van pick-up ay 7am.  Excited ang lahat dahil ang Day 2 ay Honday Bay tour, meaning island and beach hopping.  We had 3 stops:  Panday Beach, Snake Island and Pambato Reef.

Sinurvey ko ang mga 2G, and, majority talaga favorite ang Day 2.

The first boat ride to Pandan Bay.   All 16 of us together with guests from the USA.

Since we had an American guest, meron kaming local tour guide at English-speaking guide - Tito Par.

We arrived at Panday Bay a little after 8am.  And as always, the first order of business -Picture Taking.

2G Boys - doing a Bagets pose

All smiles ang 2G Girls against the tree.  Syempre si Ate Yet ay di na naman naka-smile.

and together naman.

2G Scandal:  Ano ba yon?  parang naghihilamos lang!

(maisip mo bang si Tita Helen ang nag-direk ng mga ganyang posing?!  Inferness, siya ang pinaka-feel-na-feel ang expression sa picture)

Napag-desisyon kong huwag ng maglagay ng mga pics ng mga naka-bathing suit full-body dito.  Well, cino-consider lang natin ang estado sa buhay ng mga PB lalo na ang mga 2G Girls.  Kung gusto niyo ng mga picture ninyo, sumulat na lang at ipapadala natin privately.  Para sa kapakanan nating lahat po ito.

Nag-lunch kami sa Pandan Beach ng mga 11:00am.  Part kasi ng Tour yun.  Meron kaming Grilled Tuna(3-in-a-row),  Squid, Inihaw na Liempo, Gulay at Tirang Lapu-Lapu from yesterday's lunch.

Ngapala, many thanks to Tita Ate for buying Crabs for the Day 2 lunch.  Sa lahat ng handa, iyon ang naging favorite sa lahat ng mga pagkain.  Maraming salamat Ate! 

A little before noon on Saturday, pumunta na kami sa aming second destination:  Snake Island.

T-Shirts on Day 1

Day 1 was definitely the most "relaxed".  Di pa ganun ka-hectic ang schedule.  Di ba nga meron pang nakapa-massage.  Still marami ring highlights ang Day 1.  Alam nyo naman sa malaking trip, ang pagka-enjoy ay depende sa kasama.  Sa mga hiritan pa nga lang enjoy na.

One of the highlights of Day 1 was the debut of our PB Shirts.  Very good idea talaga.  Again, many thanks to Tita Eyan for the design.  And super thanks to Tito Jim and Tita Vangie - nilibre na nila ang T-Shirts.  Yehey.  At ang babango talaga ng t-shirts ha, inferness.

PB 2G G2Palawan - Dinner @ Ka Lui

Nung-dinner, tri-neat ni Tito Ido ang 2G sa Ka-Lui.  Isa ito sa mga pinaka-popular na resto sa buong Puerto Princesa.  Nakalagay nga ito sa Lonely Planet Guide.

As always, ang sarap sarap ng dinner.  We had:  Grilled Tuna, Sauteed Kangkong, Buttered Prawns, Grilled Squid and the house special - Seafood Sisig.

For Drinks, karamihan sa amin umorder ng Fresh Buko. 

Hmmm.  Ano ba talaga meron sa entrance  na ito, at pakuha sila ng pakuha ng picture?

Relaxing before dinner is served. Sobrang hectic kasi ng schedule on Day 2.

 

(pang-picture lang yan ni Tita Yet, e Avocado shake kaya ang inorder nya)

*********

After Dinner, iba't iba ang ginawa ng mga 2G.  Merong mga nagpa-massage sa kanilang kuwarto.  Merong naglakad papunta sa "nawalang beach", dahil low tide.  Meron ding nag-mahjong.  Merong nag-poker. At meron ding natulog na.  Paano, ang call time for breakfast the next day ay 6am.