Happy Birthday MM

Nov 2 is MM's bday.

I love that MM posts her classic "wala lang, bakit ba" photo album of herself.  At least we get to see her expressing herself thru pics and poses.  Happy Birthday Ems!

Nov 1 sa Santan

Most likely mag-co-commute ka, kasi ang hirap ng parking.  So sasakay ka ng tricycle mula Santan hanggang MCU.  Buti nga ngayon meron ng dumadaan na tricycle sa tapat ng compound, at least di ka na maglalakad hanggang kanto sa kainitan.

Pagkatapos, sasakay ka ng jeep papuntang Sangandaan.  Pag minalas-malas ka, e halos isang oras ang iintayin mo bago mapuno ang jeep.  At dahil ang init, nanggigitata ka na habang sinasamyo ang halimuyak ng kasama mong pasahero na init na init na rin.  Sabagay mas gusto mo na sigurong nakahinto ang jeep bago ka sumakay.  Kasi malamang me dala kang bulaklak sa kanang kamay at kandila at mga baon sa kaliwa, baka masubsob ka pag biglang paandarin ni manong.

Dahil nga traffic, ni-re-route ang daan papuntang sementeryo.  Ibig sabihin, malayo-layo ang lalakarin mo. Haaay ang init-init so pawisan kang naglalakad.  Pag minalas-malas naman ay uulan, at magiging putik ang dadaanan mo.  Ang kapit sa bag at ipit sa wallet ay ganun na lang dahil maski maraming pulis, naglipana ang mga mandurukot sa paligid-ligid.

At pag asa sementeryo na, simula na ang live maze.  Kasi nga di ba sobrang sikip na duon.  Actually di ka na kasya pag di ka tumagilid.  Tapos may mga nicho pa na di nalilinis, so pinamumugaran ng mga langaw at insekto.  Iyong ibang lugar naman, putikan dahil sa ulan kinagabihan.  Sa kalagitnaan, kelangan mo ng malaking hakbang para makarating sa kabilang banda - di ba bawal tapakan ang nitso?

At pagdating mo dun sa looban - fresh air! fresh na fresh talaga, dahil parang amoy ng sariwang sama ng loob.  Syempre ang Nov 1 ay araw ng tukneneng at squid balls.  So isasawsaw mo ang dalang pagkain sa halimuyak ng Sangandaan cemetery.

Yan ang shortened version ng ating pakikipagsapalaran taon-taon tuwing Nov 1.  Pero aminin mo na, na-mi-miss mo pa rin ano?

Gustong Mangyari

Sino kaya ang mananalo sa eleksyon bukas? 

Sana ang manalo ay yung mag-re-represent ng gust ng PB na gawin this year.  Whether 2G yan or 3G o maski 1G, gagawin naman nila lahat ang makakaya nila e.  So ang tanong na lang: who embodies what PB wants to accomplish this 2011 Christmas and 2012.

Last year di ko masyado na-gets kung bakit si Tita Edith ang nanalo.  Actually di nga ata siya ang binoto ko e.  Pero na-gets ko na rin.  Very ambitious, International at Very grand naman pala ang outings and celebrations last year - so tama nga lang na si Tita Edith ang president bagay na bagay sa kanya.  Parang di naman siguro bagay na Relax ang theme kung si Tita Edith di ba?  Eh bday na niya nga mismo di pa ri siya relax!  hahaha.

Paano malaman kung sino ang iboboto.  Kelan munang sagutin:  ano ba gusto ninyong happenings, theme for the year?

Tsismis

Naku, mahirap nga pala ang based sa ibang lugar.  At sira nga rin ang laptop ko so di ko na alam ang mga bali-balita sa PB.

Maliban sa mga pinto at bintana ng condo ko na kusang bumubukas at sumasara, wala rin akong mabalita.  Ay oo nga pala, next week may meeting kay Governor.  Pag di nakakahiyang magpa-picture e sige gagawin ko na rin at ipapakita ko sa inyong lahat.

So anong mga balita?

Halloween Party

Nung Friday ang Halloween party sa opisina namin.  Sponsored ito ng Working Moms Group.  Aba'y grabe naman pala dito se Cebu, career ang mga tao.  Halos 100 children ang pumunta - syempre doble pa kasama ang mga yaya at magulang.  Pero very organized naman ang event.  At magastos din pala ang mga candies na yan.

Ang costume ko ay imported pa galing Manila.   At patok na patok.  Nabilib nga sila e dahil complete costume talaga.  Hiniram ko kasi yung costume nila Tita Eyan at sinabi kong Gladiator ako.  Tapos ang sekretarya ko ginawang Roman Empire ang opisina ko to match my costume.  Benta ang Golden Fiesta costumes hanggang Cebu.  Maraming salamat kay Tita Eyan sa paggawa ng costume at sa pagpapahiram.

Hintayin natin ang pics, iupload ko pag lumabas na.

Kayo, kumusta ang mga halloween costumes ninyo?

Vote Wisely on Nov 1

Exciting na naman kasi eleksyon ng PB.  Actually ang excitement ay di naman kung sino ang ma-e-elect.  Ang exciting part ay kung sino at paano mapapag-tripan ang ma-e-elect.

Parang meron campaign for all 3G officers this year ha.  Hmmm.  Actually meron din ganyan last year.  Actually, merong ganyan every year, pero parang di naman nangyayari.  Oo nga ano never pa itong nangyari.

We will see, baka iba this year.  Or baka ganun pa rin, last minute ma-de-decide na lang na may mapagtripan na naman last minute.  Good Luck Vote Wisely!

Food for Nov 1

Hay naku, maligalig talaga ang mga PB na ito.  Sinabi na nga na may magpapakain ayaw pang maniwala.  Tanong pa ng tanong.  Hahaha.

Eto na po:  Bilang pasasalamat sa PB para sa kanyang 50th bday, sagot na ni Tita Edith ang (late) lunch sa Nov 1 meeting.  I think lagi namang mga 1pm na nakakabalik sa Santan after pumunta sa Sangandaan.   Ang good news:  maaga kayo ngayon kasi wala ako!  Di ba lagi kami last batch sa sementeryo. hahaha.

Sabi ni Tita Edith sa text:  "Hi Ido, nakita ko ko batian box, na meron na namang nangungulit at tanong ng tanong lunch Nov 1.   Malamang si Jim na naman yon, kasi di ba lagi naman atat yon.  O baka si Yet din.  Paki post na nag-order ako ng sobrang ok at sobrang sarap na food good for 35 pax. Additional fried chicken sa mga bata at 100 pcs bbq.  So habang pinapanood ang kagandahan ko sa video e nabubusog naman sila.  Kung gusto nila mag-meeting pa after manuod ng video e bahala sila.  Ngapala, baka sabihin na naman nila sinagot ko ang naman ang lunch at kesyo may masasabi na naman sila.  So paki-linaw mo sa kanila ha  yung malinaw na malinaw.  WALANG BUMABAWAL SA KANILA NA MAGDALA PA NG IBANG PAGKAIN.  Wala sa batas, na puwedeng magdagdag ng pagkain.  At huwag ng kung anu-ano pa ang sinasabi.  OK?".

Hahaha.  Di po yan ang totoong text, eto na po talaga, hehehe.
"Hi Ido, nakitako ko batian box, may nagtatanong lunch Nov 1. Paki post na nag-order ako food good for 35 pax. Additional fried chicken sa mga bata at 100 pcs bbq. Kung gusto nila add, ok lang tnks".

PB December Outing

Nakapag-desisyon na pala si Tito Jim kung sinong pamilya ang OK lang na di isama sa outing. hahaha.

Eto po ang mga pics galing sa Yamagutchi Resort sa Pansol, Laguna.  Thanks to Camae for uploading the pics.  Eto yung nakikita nating venue pag pumupunta tayo sa Los Banos outing.

Final Date has been set: Dec 29-30.  Details, siguradong pag-uusapan sa Nov 1 meeting.

Official Address: Nivel Hills, Cebu City Cebu

Yesterday, Oct 29, nakuha ko na ang susi sa aking official Cebu residence.   Nasira ang laptop ko di ako maka-upload ng pics.  So eto ang mga nahanap kong picture ng condo building sa internet.

CityLights ang pangalan ng condo, at ito ay asa taas ng bundok - ang Nivel Hills.  Asa barko na rin ang sasakyan ko, so darating siya dito kung hind sa Tue sa Wed.

Pero grabe, di na ko sanay mag-ayos ng bahay.  At kakapagod mamili ng mga gamit.  Ang bigat buhatin.  At parang sobrang dami talaga kelangang bilhing gamit.  Including pagpapakabit ng Cable at saka ng Telepono, na siguro next week pa maaasikaso.

Pag OK na ang unit, at ang aking internet connections padalhan ko kayo ng pics.

Eto ang official web address ng lugar, check gallery and amenities.
http://www.citylightsgardens.com/whatsnew.htm


Eto naman ang video from YouTube ng CityLights at ng Cebu.  Come on visit Cebu.

Trese

Fill-in the Blanks:  Pag pumupunta ako sa ______  lagi akong may nabibili.

Guess ko lang. 

- Siguro kay Karen eto ay Havaiianas. parang ang dami kasi niya nito di ba.

- Kay Tita Ate, malamang ito ay Divisoria.  Parang favorite nya kasi dun

- Kay Tito Jorge at Tita Helen, hula ko ito ay coffee shops (or tea shops para kay Tita Helen).  I could be wrong

Para sa akin, ang sagot ay unanimously National Book Store.  I like Powerbooks and Fully Booked. Pero National Book Store pa rin ako loyalist.  Lagi akong may nabibili dito.

Para sa Halloween, ang Top 3 Pinoy Books nila ay:

3.)  Pugad Baboy 23 (meron na ako, kakatawa syempre as always, pero medyo political)

2) Ligo n u, Lapit n me  (meron na rin ako, sobrang OK! one of the best Pinoy books of the year)

1) Trese, animated/comics na medyo horror story (natatakot akong bumili hehe.  Meron na kayo, OK ba?)

Happy Birthday Carlo

Oct 26 was Carlo's bday.  PB Blog is very sorry for the delayed greetings.

Sana OK ang bday.  At sana makita ka naman ng PB sa next na event.  Hope you enjoyed your bday!

PC crashed

my personal laptop's hard disk crashed. exactly nangyari kay JayE.  Naghahanap pa ako ng magaayos dito - di pa sanay.  Sorry walang updates in a few days.

Musta na kayo lahat?  Long weekend sa Pilipinas, saan gimik nyo?

Di holiday Nov 1 sa Canada, tama ba?  For sure hindi sa Singapore at US.

Tony

You know I am a fan of GreenDay and also of Razorback, pero fans din ako ni Tony Bennett =).  Nag-release siya ng bagong CD titled Tony Bennett Duets II.

This is a really good CD, comparable to the Sinatra duets released a decade ago.  May superstar pop power ito kaya no.1 CD ito sa US. May duet si Tony with John Mayer, Buble, Aretha, at dito sa dalawang ito...

Eto ang 2 sa standout sa album:

With Amy Winehouse.  Pang senti music.

With Lady Gaga naman.

Pag ako naging PB President uli

Eto po ang 2 sa mga pangunahing plataporma ko kung ako ang magiging PB President ulit.

1) Tanggalin ang Pilahan
Eto ang unang-una kong gagawin.  Tingin ko di na makabuluhan ang pilahan sa panahon ngayon.  OK ang pilahan dati, kasi talagang kelangan natin ng pera nun.  Walang-wala tayo dati, so sobrang excited talaga tayo.  Ngayon, bale wala na ang pilahan para sa mga pumipila.  Sa pila, mapapansin nyo na wala silang gana at parang di naman nasiyahan sa natanggap nila.  Understandable naman yon.  Marami sa kanila ang di na kelangan ng pilahan.

Sobrang tindi ang paniniwala ko na dapat tanggalin na ang pilahan.  So lahat ng suma-sangayon sa akin, iboto nyo po ako.  Dahil talagang gagawin ko ito sa PB president.

2) Healthy Food
Sa handa sa lunch at dinner sa araw ng Pasko, dapat lahat ng pagkain ay healthy.  Napapansin kong nagtatabaan at nagkakasakit na ang mga PB, kaya napapanahon lang na maging healthy tayo di po ba?

Ganito:  bawal ang beef at lalo na ang pork. Puwede chicken, pero bawal ang balat. Bawal ang hipon, alimango, alimasag dahil mataas sa cholesterol.  Puwede ang isda, pero bawal ang bangus dahil belly nito grabe nakakataba.  Bawal din ang hito at dalag, dahil yuch naman nahuhuli ito sa imbornal. 

Bawal ang anumang pinirito nakakahigh-blood ito.  Ang lahat ng makitang may hawak ng mantika, magmumulta ng 1,000 pesos.   Bawal ang asin at vetsin, lalong lalo na ang patis.  Bawal din po ang grilled kasi nakaka-cancer ang mga inihaw.

Bawal na bawal po ang kanin.  Kasi ang taas ng glucose content nito, posibleng magdulot ito ng obesity at diabetes.  Ang bawat taong magsabi ng salitang "kanin", sisingil ng 100 pesos bawat beses na sinabi ito.  Kapag ginamit ito patanong, magiging 200 pesos na: example, "wala bang kanin?" - yan 200 na multa nyan.

Again, ang inaalala ko lang naman po ay ang kalusugan ninyo.  Kaya eto po ang menu natin
Appetizer:  nilagang mani. tuna sushi, salmon sushi.   Nilagang itlog, pero tatanggalin natin ang pula.
Salad: di na kelangan ng salad
Main Dish:
Nilagang okra, nilagang alugbati, nilagang ampalaya.
Kilawing galunggong
Ginataang kalabasa na di ginasa
Steamed tokwa
Dessert: Saging, mansanas

Snacks:  carrots, at pipino.  Walang sauce, bawal din.

Kung gusto nyo po ng magandang kalusugan at yan ang kainin natin sa araw ng Dec 25, iboto nyo po ako bilang PB president.
**************************

may nabilataan akong may magno-nominate sa akin sa Nov1, kaya naman nilahad ko na ang plataporma ko. mwa hahaha.  pag ako naging presidente PROMISE, gagawin ko ang dalawang yan. 

Practice at Perfectionist

Ang dami ko nga palang na-harass nung PB practice para sa bday ni Tita Edith.  Talaga kasing pinaulit ko ang mga ibang sayaw ng ilang ulit.  At nasabihan ko nga pala iyong iba na: "walang impak" at "ang baba naman ng degree of difficulty nyan".  Sorry po.

Nung mas bata pa ko talagang perfectionist ako.  Tipong hanggang hindi na-so-solve ang Math problem ng exacto, di ko talaga titigilan.  Ganun din nung programmer na ko.  Talagang di ko ipapasa hanggang hindi na-te-test lahat ng posibilidad, para siguradong walang mali sa ginawa ko.  Sa tennis, maglalagay ako ng dahon dun sa service area sa kabilang court.  At di ako titigil hanggang tamaan ang dahon.  Minsan nga umabot ng 2 oras, basta serve ako ng serve.  Never give up.

Pero I remember na sinabi ko sa sarili ko na kapag sa PB di puwedeng perfectionist.  Kasi mapapaaway talaga ako hehe.   Pero the good thing, yung mga PB mismo e always aspiring to give their best.  At napapansin ko talaga yon everytime may presentation for a Golden bday.  So buti na lang di ko kelangang maging perfectionist all the time. 

Yun lang di lang ako sanay sa attitude na puwede na.  Dati naiirita ako sa mga taong ganito, ngayon nalulungkot na lang =).  Kasi sayang ang chance at opportunity to do your best.  At sabi nga nila habit becomes character.  Sobrang di ko ma-take ang mga characters na may puwede na attitude.

Worst Airport at Hollywood Sign

2 topics ang pinagpipiyestahan sa Facebook at mga forums.

1) Worst Airport
May isang travel website na tumawag sa NAIA Terminal 1 na worst airport in the world.  Ouch!

Ang good news dito:  I have been to worse International airports in the world so this is not true. 

Ang bad new dito:  2 lang ang better International airports sa mga napuntahan ko.  So posible, depende sa opinyon, puwede talagang ituring na ito ang worst sa mundo.  I also agree na ito rin ang one of the world's worst airport toilets.  Not sure kung nasubukan nyo na - sobrang liit (maski sa boys mahaba ang pila)at sobrang luma at bulok na talaga.

Eto ang article ng gmanews tungkol sa topic na ito:
http://www.gmanews.tv/largevideo/latest/95785/ub-naia-terminal-1-tinawag-na-worst-airport-in-the-world-ng-isang-website

2) mala-Hollywood sign

Eto naman ay ang kakaibang reaksyon ng mga tao tungkol sa diumanoy plano ng probinsya ng Batangas na lagyan ng mala-Hollywood sign ng salitang "BATANGAS" ang Taal Volcano.  Si Governor Vi daw ang nagplaplano nito.

Syempre papayagan ba ng Pinoy ito, kaya naman gumawa na sila ng kanya-kanyang versions =).

Ayan na anga ang mga pictures sa iba-iba.  panalo ang sign sa Tondo at Payatas!  
Sabi naman ng iba e lagyan na lang ng "I Love you Lucky" ang Taal o kaya "Si Val na Walang Malay", mwa hahaha.

Ewan.

Not much to blog

except gigising na naman ako ng 6:15 bukas, pupunta na airport, mainis dahil delay ang flight ng Cebu Pacific.  tapos babayahe ng 40 minutes mula airport diretso sa opisina. kung saan santambak na trabaho ang nagaabang dahil 3 araw ako sa Manila.

Sino gusto sumama?  haha

Eleksyon 2011

Grabe naman itong buwan ng Oktubre parang hintahatak sa bilis.  12 days na lang pala at Nov 1.  Bukod sa Undas, ibig sabihin Eleksyon na naman. 

Wala akong idea kung sino ang mananalong presidente this year.  Last year sobrang mali ang hula ko.  At palpak din ang kampanya ko.  Iyong kandidato e umabsent nung eleksyon hahaha.  Ang siste, ako pa ang na-elect na officer.  hahaha. 

OK na hindi maging officer.  OK kasi may impluwensya ka sa puwedeng mangyari.  Mas madaling magawa ang mga ideas.  Hindi kasi sobrang matrabaho.  Dami na ng trabaho sa opisina, dami pa trabaho sa PB.  This year kasi sobrang daming activities:  3 ang 50th Bday party, may debut pa, 2 outing at meron pang International - 2G sa Singapore.

Sabagay ang eleksyon naman sa PB e nadedesisyonan sa mismong araw, kaya exciting.   Wala kang idea, pero posibleng ikaw ang ma-elek.  Pag ikaw ang napag-tripan naku yari ka.  

Iyong susunod na President medyo suwerte na rin.  Wala kasing 50th bday at wala rin debut.  Christmas syempre at saka New Year, plus Outing.  Bukod dun, wala namang naka-schedule.  So kung gusto ninyong subukang maging presidente para lang ma-try, baka eto ang magandang taon.

Asa ibaba ang listahan ng mga naging PB Presidents.  Noong nakaraang 11 taon pala,  merong 1  taga-1G, 7 na 2G at 3 na 3G.

Hmmm, taga-saang G kaya ang magiging presidente this year?


PAST PRESIDENTS


2011 ???
2010 Ganito Kami Noon, Paskong PB Ngayon - Tita Edith
2009 Golden Christmas - JayE
2008 Mas Relax - Tito Egay
2007 MTV - Tito Ido
2006 Filmfest - Tita Ate
2005 Cowboy - Kevin
2004 Relax (na hindi) - Evot
2003 JokeJokeJoke - Tito Jim
2002 Retro - Tita Helen
2001 MTB - Tita Edith

2000 Millenium - Lola Maam
1999 Enchanted - Tito Jorge
1998 Bahala Na - Tito Par
1997 Ballroom - Tito Ido
1996 Sitcom - Tita CheChe
1995 Kanta at Sayaw - Tito Ido
1994 Pautakan - Tito Ido
1993 Disney - Tito Ido
1992 Sportsfest - Tito One (PM and Evening President) & Tito Ayo (Morning President)
1990 Family Presentation - Tito Ido
1988 Maskarahan - Tito Egay

http://pamilyabanal.blogspot.com/2007/11/kasaysayan-ng-pamilya-banal-christmas.html

Pilahan Bilangan

Tama ba na 22 na lang ang pipila this year?  Pakibilang nyo nga po, dahil ako'y nagulat at parang ang laki ng ibinababa ng bilang.  O umaasa lang kami? hahaha

Kasi last year pa wala na si Karen, Dianne, Carlo at Aix.  This year naman di ko na rin binilang si Kevin at Kriza (dahil alam kong makakahanap na siya ng trabaho very soon, di ba Kriz?). 

Ang bagong nadagdag sa listahan ay si JC, at dito rin siya sa Pilipinas this Dec for the first time.  Si Chanel pumila na rin po last year.

Please confirm po.

Best Dressed Nung Golden Fiesta Party

Lagpas isang linggo na pala, pero sa PB ang main topic pa rin ay ang Fiesta Party ni Tita Edith.  Nung bumisita nga sila Tito Jim, Tiyong, Tita Vangie, Tita Yet, Julienne at JOsh last Sunday eto pa rin ang topic.

Eto naman ang mga napili nating Best Dressed nung party.  

Meron kasing "medyo" Best Dressed lang so sinama na rin natin.  Dami kasing OK na mga damit at costumes, sayang naman kung hindi mabanggit.

1/8 Best Dressed.  Parang 1 guhit sa timbangan na Best Dressed ay si Tita Yet.  Panalo talaga ang kuwintas nya, na una mong mapapansin.  Bagay sa damit at sa kanyang skin tone.   

1/4 Best Dressed.  Gab and Miguel.  Ang gara naman ng barong nila.  Etong style ng barong ang Louis Vuitton ng mga barong.  Sayang, nakapagpabili sana ako nito kay Tito Egay - pogi rin sana ako.  Medyo sumablay lang sa sombrero kaya 1/4 best dressed hehehe.

1/4 Best Dressed din ang arko ng Santacruzan.  Sobra akong natulala nung una ko itong makita.  Di ko kasi maisip kung paano naisakay ito sa kotse, o kung paano na-assemble ng sobrang bilis.  Buti na lang maganda rin ang arko sa picture at nabigyan ng justice ang pagod nila.

1/2 Best Dressed.  Ang MassKara group.  Mula bewang pataas lang kasi sila best dressed haha.  Parang sablay ang pang-ibaba, at si Tito Ayo na naka Red Hot Chilli Peppers sa Fiesta - tinanggal na natin sa picture.  haha.  Inferness, panalo naman ang pang-itaas nila.

and for our full-best dressed list.

Special Mention Best Dressed

Tingin ko sobrang cute naman ng damit nila.  Tama lang.  Merong nagsasabi na dapat mahaba ang palda, pero naku naman e tignan nyo naman silang 4 at di naman ka-tangkaran, e di lalo na silang nagmukhang maliit nun.  Love the simple but elegant design of their outfit.

Tita Helen of Pahiyas was bonggacious in her stand-out Filipiniana dress.  Nagiging suki na natin si Tita Helen sa listahan na ito ha.

Makatawag-pansin naman ang Gown ni Ms. Puerto Rico.  At talagang parang tinatawag ka niya - maski gaano ka kalayo.  Di na nga nakilala si Ralph Chucky dito e, para talagang mukhang expert na candidata sa mga fiesta dahil sa galing ng make-up niya.

and our BEST DRESSED LIST

6)  1G Obando Dancers

Ang kulay ng mga damit nila ay bagay sa theme - bagay sa kulay ng banderitas, kulay ng mga mantel, at kulay ng mga silya.  joke lang po.  Yung damit nila ay parang authentic Obando gowns.  At nakadagdag talaga sa sigla ng presentation nila ang ganda ng kanilang mga kasuotan.  Actually, para silang bumata sa mga suot nila, at yan ang dahilan kung bakit sila kabilang sa Best Dressed list this time.  So for the first time asa Best Dressed List natin ang 5 sisters - Ditse, Lola Nanay, Lola Tiyang, Lolipot, at Lola Maam. 

2G Girls Igorot

Etong costume nila ay mas maganda sa personal kesa sa picture.  Kasi astig yung fabric ng damit nila.  Talagang authentic.  Ang damit nila ay nagdulot ng malaking tulong para maging makatotohanan ang sayaw nila kaya sila andito sa listahan.  Maliit na puna - sana lahat ng pang-itaas ninyo ay nakasara ng todo (di na po ba magkasya? hehe).  Naaangkop at natatangi ang costumes nina Tita Ate, Tita Helen (na naman), Tita Eyan at Siony.

Ms. Philippines

Ewan kung saan nagahilap itong gown na ito.  Pero waging-wagi talaga sa gown pa lang.  At may payong pa!

Moriones group

Pawis at maraming oras ang puhunan sa mga costumes na ito.  Kasi bawat parte ay talagang pinaghirapan.  Ang maskara ay di simple - paper mache po ito.  Inukit, Hinulma, Pinatigas at pininturahan.  Ang mga damit ay modular - pinagdidikit-dikit po para mabuo.  Magaling talaga ang pagkakagawa ng costumes na ito - very technical.  So asa listahan natin sila Tita Eyan (na naman), Tito One, Unyoy, Denniel (na naman), Anton Van, Rap, Carl at Tehya.

Tita Edith

Everytime na may PB occassion, best-dressed si Tita Edith.  E alangan naman mawala siya sa sarili nyang birthday.  Flawless ang gown na ito - akma sa theme, ang kulay bagay sa kanyang skin tone, at napapanahon.  Tama lang ang disenyo hindi exag.  At ang kuwintas, panalo!  Kaya for the 4th time, Best Dressed Individual na naman natin si Tita Edith.

finally...

KADAYAWAN

Wow!  Eto talaga ang stand-out group costume nung parada, at tingin ko ng buong party.  Talagang Kadayawan.  At bonus pa na ang kulay nila ay umaangat.  Di maiiwasan na titigan talaga sila.  From the bilao, to the suha, to the headgear at syempre ang makukulay na costumes.  Wagi sila Tito Par, Tita Bhogs, Lola Nanay, Kriza, Aix at Kevin.

Pagmumuni-muni at kuru-kuro sa mga talu-talumpati

Na-realize kong matapang pala talaga si Tita Edith dahil dun sa speech ni Mr. Espejo.  Yun ang nag-standout para sa akin sa speech niya.  Alam ko namang may katapangan si Tita Edith, pero mas lalo lang na-validate nung cinonfirm nga nung isang mataas na officer galing Insurance Commision. 

Ang dami palang kaibigan ni Tita Edith, despite (?) her position and katapangan.  Tapos parang puros joke at masaya din ang greetings ng mga personnel ng kumpanya nila, so ibig sabihin cool siya.  At di naman sila mukhang napilitan sa paggawa ng video dahil ang iba nga e talagang pinag-isipan at creative.  I guess, eto ang isang hinihingi (o inaasam) ng isang boss, na maging cool siya sa lahat ng empleyado.

Sa mga PB speeches naman naging common theme naman ang pagkamatulungin.  Di ba nga si Tiyong sinabi pa talaga ang presyo ng binigay ni Tita Edith nung na-ospital siya hehe.  Eto rin ang sinabi ni Tito One, at ni Rap at nabanggit din ni Tito Egay.

Speaking of Tito Egay's speech, napulot ko naman dito ang analogy ng bday = fiesta = maraming pagkain.  At naalala ko talaga ang time nung asa compound pa tayo na lagi kong inaasam asam na merong celebration pag merong may bday.  Paguwi ko galing school pupuntahan ko na si Che-Che at tatanungin kung "Janno Gibbs" ba o "Kuh Ledesma"?  Janno Gibbs = gives = ibibigay ang pansit na may puto sa pinggan.  Di masyado masaya.   Kuh Ledesma = kukuha ka ng food at may handaan sa labas.  Yun ang gusto namin, aside from mas maraming pagkain, mas masaya.  Gets?

Teka pala, kelangan ko palang okrayin si Lolipot, dahil pinangako ko.  Lolipot, bawal po magsabi ng "wala akong masabi, nasabi na nilang lahat".  BAWAL NA BAWAL.  Tatampalin ko po ang kamay mo sa susunod natin pagkikita.  Dahil di naman po totoo na wala na kayong masabi, dahil marami-rami din naman kayong nasabi.  hahaha.  Sorry po na-okray ko kayo Lolipot, I love you po very much.  Pero di ko po love ang outfit nyo ng Panagbenga parade, para po kayong pupunta sa Debut ni MM.  Mwa hahaha.  Talagang yari ako kay Lolipot nito.  Pero pupunta na ko ng Cebu e.

Ang nakuha ko namang speech kila Karen, Camae at Kathleen ay "I Love You Mama".

Ralph & Christian

Let me give a shoutout to my homeboys Ralph Chucky Boy and Christian.  Kasi di pa man sila 100% officially kasali sa PB, e lagi na silang bahagi ng mga PB celebrations.  At di lang basta bahagi ha.  Laging nag-co-contribute, kasali at laging handang tumulong.  Puwedeng photographer, videographer, IT consultants, utility men, PA. yaya, dancers, beauty pageant contestants at kung anu-ano pang puwedeng maitulong.

Sana balang araw ay maging official PBs na rin kayo.  Maraming salamat sa pagtitiis sa mga topak ng mga pamangkin namin.  Pero magaganda naman yan at maalalahanin.  Talented pa.  di nga lang nung Fiesta Party haha talagang pinilit pang isingit.

Para sa akin 97% na kayong PB, isang Tall 1 Splenda Americano na lang sa susunod na pagkikita equivalent to 3% na rin yon.  Hahaha.

Maraming salamat sa inyong dalawa sa lahat ng tulong sa anumang PB celebrations.  I guess alam nyo na ang pinapasukan ninyo, so di na namin i-e-explain ha.  Pag officially PB na kayo e di na kayo papasalamatan hehe

Speeches and Expectations - from Tita Edith's Golden Fiesta Party

Di pa po natapos ang programa sa PB presentations.  Marami pang nangyari

SPEECHES

Ininvite po namin ang 2 guests from Standard Insurance to say something about Tita Edith.  Eto po si Mr. Espejo.  Hmmm.  kamag-anak kaya siya nila Tita Bhogs?

at si Ms. Letlet, na ang tawag kay Tita Edith ay Elizabeth.

As always, Ditse is the first PB to deliver a speech.   At as always, nagpasalamat na naman siya sa lahat ng guests na dumalo, hmmm, para siyang may bertdey hehehe.  Pero maikli ang speech ni Lola Ditse this time.  Ditse, gusto raw po malaman ni Tita Yet kung ano ang laman nung kahon.  hahaha.

Mataas ang expectation ng PB kay RapRap at sa kanyang speech.  And he delivered.  Sobrang taas ng expectations nalagpasan pa nya.  Ang galing mag-deliver ng speech ni RapRap.  Very good job Rap!

Next was Tita Ate who delivered her speech on behalf of 2G.  Dinaan nga niya sa tula - na ang pamagat ay Pinsan.  With matching frame, that also served as a gift.

Representing the siblings, si Tito Egay naman ang nag-speech.  Nag-focus ang speech ni Tito Egay sa Fiesta at ang kahulugan nito para sa mga PB.

Dapat e may ipapalabas ng video, pero nagkaroon ng delay umandar, so tinawag natin si Tito One para mag-speech.  Ang introduction ni Tito One, "maikli lang po ang speech ko hindi katulad ng kapatid ko na ang haba ng speech di naman maintindihan".  hahaha.

After the speeches, ipinalabas naman ang mga videos.  Iyong isa gawa ng Standard - bumati ata halos ng lahat ng empleyado ng kumpanya hehe.  Some of the videos were really creative and entertaining.

Next naman ay ang mga PB abroad.  Una ay ang video ni JC.  Nakakapagsalita na pala siya, at Tagalog!  Next naman ang masayang video nila Tita Tetes.  Tig-i-tigisa silang bumati ng Happy Birthday sa ibat-ibang salitang Pinoy - Ilocano, Bisaya, Chavacano at shucks an nga ang isa?  I forgot. Tagalog po ba?  Ang matindi, aba naka-costume din sila ng pang-Pinoy fiesta.  Astig! Very creative at enetertaining.

Tapos ang tula ni Tita Che-Che.  Na tungkol sa pagiging pinsan.  Pero nung huli, parang nanghingi siya ng pila.  Ano ba yun, para lang si RapRap.  hehe

FINAL PRESENTATIONS

At ang 2nd to the last presentation ay ang performances ng magkakapatid.  Ginaya nila ang mga performances ni Tita Edith over the years.  Eto si Karen na nagsayaw ng Big Spender. 

Si Camae naman at Kathleen ay nagsabay kumanta ng Bonggahan

at eto si Kathleen na emote naman din pala sa pag-perform

After ng performances nila, nag-"speech" sila.  Sorry wala po akong maalala sa sinabi nila kung hindi I Love You Mama.  hahaha. Ano nga ba sinabi nyo?

Last part ay ang suprise presentation ni Tita Edith.  Tignan mo nga naman ang may birthday na ito, nag-perform pa.  Waray-waray ang kanyang number, kaya ganyan na lang ang pag-emote niya.

After ng kanyang individual performance, nag-speech na si Tita Edith.  Nagpasalamat siya sa mga guests at sa buong PB.  Ay hindi po siya naiyak buong program.

Mga 10:40 na ata natapos ang program.  After nun nagsayawan ang mga PB Boys.  Kami naman ay nagkainan ng cupcakes.  Ang mga iba ay nagbihisan na.  Ang ibang kids ay natulog na. 

Ayun, ang golden fiesta party ay natapos na rin.

NANGHIHINAYANG

After looking at all the pictures and knowing all the preparation efforts, parang nakakhinayang naman ang props, costumes, pati ang mga dance numbers kung mapupunta na lang ito sa bodega.  Bakit hindi kaya natin i-recycle?  What do you think?

Puwedeng ganito ang program natin.  Syempre FIESTA theme ulit.

1. PARADA
Kadayawan - Lising
Masskara o Moriones - Mesina
Panagbenga - Reyes at Soriano
Pahiyas - Domingo

hahahaha.

2. PB BABES
Ms. Angola - Tito Jim
Ms. Brazil - Tito Par
Ms. China - Tito One
Ms. Philippines - Tito Ayo
Ms. Puerto Rico - Tito Egay
Ms. Venezuelat - Tito Jorge

Wagi itong pageant na ito pag matuloy. Dont' you agree??

3. PB PRESENTATIONS
Obando Dance - PB 2G Girls (teka parang ganun pa rin ata)
Carinosa - Puwede huwag na po ulitin ito habang nabubuhay tayong lahat hahaha
Muslim Fan Dance - PB 2G Girls (Original Igorot)
Ethnic Dance - PB 2G Boys
Bulaklakan - PB 3G/4G or 1G
Igorot - PB 3G GIrls
Maglalatik - PB 3G Boys

kaya kaya ng 2G Boys ang Muslim Ethnic Dance iyong may patungtong-tungtong pa na parang pyramid?  kaya kaya ng 3G GIrls ang Igorot pero with 3 palayok naman ha para challenging?  Masaya ito.

4. J BROTHERS JOKE - Puwede ito maging

R Father and Son Joke - Ronnie and RapRap o kaya
D BROTHERS - Domingo Brothers Boyet and Egay.  Gusto ko to. Teka uuwi ba si TIto Boyet? how bout
CDC - Camae and Dianne Cousins.  o kaya
E Sisters - Edith and Eyan

for sure marami pang ibang puwede

5.  SPEECHES

Ditse Speech - bigay kaya natin ito kay Ivan, Chanel and JC sana nagsasalita na siya by then, para talagang complete reversal of roles
RapRap's Speech - naku sino kaya ang makakagawa nito?  Alam ko na si Tito Jorge!
Tita Ate's poem - parang puwede si Karen naman ito
Tito Egay's speech - hmm.  Alam ko na!... si Kevin.  Para sakto at puwede habang kumakain na lang gawin ito, siguro naman pag pilahan na e tapos na rin ang speech.  Mwa hahaha.  Love you Tito Egay=). Love you Kevin =)

6.  OTHER PRESENTATIONS

Karen, Camae and Kathleen's presentation - ah, eto ang iwan na natin sa bodega.  hahaha.  Ibaon sa pinakasulok at madalim na bahagi.  Isara ng todo ang pinto, ikandado ng dalawang beses, tapos maglagay tayo ng automated alarm system.  at mag-hire ng guwardiya, iyong parang sa Luneta na 24 hours.  Please lang po huwag na nating ibalik sa ating ala-ala ang nangyari nuong gabi!  mwa hahaha.  Joke only (jokes are half meant), I love you Karen, Camae and Kathleen =).

PB Dance Presentations - Tita Edith's Golden FIesta Party Part 3

At eto na po ang HIGLIGHT of the program, at ng lahat ng 50th Birthday parties...mga PB Dance Presentations.

First up, presentation ng mga taga-Standard.  Pinaunlakan nila tayo ng dalawang dances.  Personally, favorite ko yung Pandanggo dance number nila kasi parang may elemento ng suspense at konting takot.  Eto ang kanilang 2nd dance number...

Eto po ang start ng PB Presentations - ang Obando dance ng 1G.  Love the costumes - very colorful at bagang-bagay sa motiff na touch the color.  Also love the colorful hats.

Was really impressed with the dance number ha - talagang cinareer nila ang dance.  at todo bigay talaga sila sa dance number.  Iyong lang kung saan-saan sila nakatingin habang nagsasayaw hehe.

Eto naman ang start ng 3G Presentations.  Iyong mga nakakabatang 3Gs at mga 4Gs ang nagsimula.  Hmmmm. ano ba masasabi natin dito... 

Kindergarten school!? haha.  Mahirap talagang maayos eto kasi tignan nyo naman ang dami ng kids sa harap, na parang nag-labo-labo.  Ang liliit naman kasi nila, so let's give them a break, OK.

Eto ang 3G Girls rendering a modern Muslim Fan Dance.

Sabi na nga ba't panalo sa picture ang formation na ito na isa sa dance steps nila.

Finale ng 3G dances ay ang Modern Ethnic number ng mga boys.

Talagang napa-wow ang audience with this step.  Very good choreography and excellent execution.

and now comes the 2Gs

Eto pa ang isang makulay na touch the color dance number, ang Bulaklakan dance ng 2G Girls.  Di pala masyado makita effect ng kanilang bulaklakan na arko sa picture.  Pero patok ito live.

I think kinakabahan sila na hindi magsabay-sabay sa steps.  Pero carry naman, and as you can see in the picture, talagang sabay sila at least this step ha hehehe.

and now the Igorot Dance.  Which turned out to be the ultimate scene stealer.  Puwede palang maging serious pero malakas at masaya pa rin ang impact.  Lalo na nung meron silang palayok sa ulo - exciting na may suspense.

at eto ang kanilang WINNING POSE.  Magaling talaga!

and the finale was the 2G Boys dancing Maglalatik.  Nung inaayos namin ang program at nag-practice, para kaming may audition - kung sino ang pinaka-OK siya ang gagawing finale. 

Gusto namin tapusin ang PB Presentations with the impact at iyong masaya ang ending.  Saktong-sakto naman pala.  After the very serious at career Igorot number, eto naman ang masigla at punung-puno ng energy  na dance.

What I liked about the dance ay yung masayang masaya silang lahat habang sumasayaw.  Sumisigaw, nadadala ang audience, enjoying themselves.  Feeling nila ata ang galing galing nila hahaha. 

So ayan po ang PB Presentations para sa Bday ni Tita Edith. 
Good News:  I think this was 3 to 5x better over-all sa mga presentations during Tito Yet's Circus Party.  WHich means we are constantly improving everytime  Congratulations sa buong PB.  All of us should be proud. And the pictures speak for themselves.

Bad News:  Ano pa gagawin natin next time?  Oh no.  Nakaka-stress naman at nakaka-pressure.

Good News:  Matagal pa naman ang next 50th party, parang 1 year and 3 months pa.  So we have all the time.