Bunsoy

Sa PB eto sila Lola Maam, Tita Tetes, Tito Jorge, Tito One, Tita Che-Che, Aix, Kathleen, Joshua, Patricia, Alex, Pia, (huwag muna nating sabihin si Andrei - kasi di pa sure, pero parang bagay siya dito hehe)

- Madalas pakiramdam nilang sila ang kaisa-isang anak
- Iyakin o Emosyonal
- Madalas papansin at iniisip na umiikot ang mundo sa kanila (mwahahahaha)
- Minsan insecure
- Minsan ay umaasa sa iba na gumawa ng desisyon para sa kanila
- Madalas ay pala-utos
- Kung tatlong magkakapatid, kumakampi siya sa panganay para talunin ang pangalawa (haha)
- Posibleng maging sobrang insecure o sa kabilang banda, puwede ring maging pinaka-successful sa lahat ng magkakapatid
- Carinoso o Carinosa sa magulang o sa kasundong kapatid. 
- Madalas na paboritong anak, maski na minsan sila ay pasaway

Pangatlo, Pang-apat, Panggitna

Tandaan, Pangatlo o Pang-apat ka kung meron ka pang kapatid na mas bata.  Otherwise, ikaw ang bunso - iba raw iyon.  Gets?

Sa PB eto sila:  Lola Tiyang, Lolipot, Sr. Vicky, Tito Egay, Tita Eyan, Meg.  Hmmm puro girls except for Tito Egay - interesting.

- Marami dito ang nag-iisip na "Life is Unfair"  (grabe naman ito!)
- Pakiramdam madalas sila ay wala masyadong karapatan
- Mahilig makipag-away sa mga kapatid (hahaha!), maski na anong bagay maliit o malaki
- Magaling makipag-kapwa tao(except sa mga kapatid).  Magaling mag-adjust.  Pala-kaibigan.
- Kapag successful, magiging mahusay na Manager, CEO, o taga-pamahala ng mga tao
- Kapag hindi, mega-pasaway.  Pasaway pa ito kesa sa Pangalawang anak.

Ewan kung totoo ang mga ito.  Kayo na po ang magsabi =)

Pangalawa

Tignan naman natin ang Pangalawang anak.  Galing nga pala ito sa ChildDevelopmentInfo - na isinalin natin sa wikang Pinoy.

Ang mga pangalawang anak sa PB ay sina:  Nanay, Tito Par, Tito Boyet, Tita Yet, Tito Ayo, Kriza, Camae, MM, Gab, AJ

- Ang siste, ang pangalawang anak ay puwedeng maging Sobrang Successful at Sobrang Pasaway.  So madalas extremes
- Tandaan na meron syang kapatid na mas matanda o mas advanced.  Ang pangalawang anak obviously ay merong hating attention ng mga magulang
- Puwedeng maging competetive.  Gustong i-overtake ang kuya o ate.  Pag nagtagumpay dito, ang pangalawang anak ay magiging sobrang successful.  Pag hindi, hmmm malamang na maging sobrang pasaway =).
- Madalas opposite ng panganay.  Kung ang panganay ay "good", malamang ang pangalawa ay "bad".  Kung panganay ay salbahe, malamang siya ay mabait.
- Madalas ay rebelde
- Hindi mahilig sa "position" o di masyado nagpapahalaga sa importansya ng position sa trabaho o sa eskuwelahan.
- Siga sa magkakapatid, may tendency na i-bully ang mga nakababatang kapatid

Panganay

Ano ang pagkakapare-pareho nila Ditse, Tita Ate, Tita Edith, Tito Jim, Tito Ido, Jay E, Karen, Kevin, Dianne, Popoy, Carlo, RapRap, Miguel, Ashlie?  Bukod sa pagiging mga panganay na anak, hmmmm  wala na akong masyadong makitang common characteristics. 

Si Alfred Alder, isang psychologist na kasabayan ni Sigmund Freud ang nagsabi na ang bilang mo ng pagiging anak ay may impluwensiya sa iyong pag-uugali.   Pero maraming siyentipiko ang nagsasabing hindi totoo ito.  Marami rin ang nagsasabing ang panganay na anak ay mas matalino kumpara sa iba.  Ang totoo wala namang pag-aaral ang nagpapatotoo dito.

Pero eto raw ang karaniwang katangian ng mga panganay ayon sa mga alagad ni Adler

- May pagka-mayabang.  HIndi mahiyain.  Kasi nga di na nila kelangan makipaglaban sa atensyon ng magulang e.
- Ang mga panganay, may confidence at bihira ang may inferiority complex kasi nga - madalas na bago ang damit at kumpleto pa ang photo album nung bata pa.  Di ba nga ang mga panganay may party sa 1st monthsary, 2nd monthsary etc.
- Masunurin din ang mga panganay.  Maganda ito o pangit.  Madalas iniisip ng mga panganay na para mapasaya ang magulang, susundin na lang ang utos ni Inay at Itay
- Karamihan nga rin sa panganay ay masisipag at kailangan ng pansin.  Kelangan nilang mapasaya ang magulang - kasi nga nakasanayan na. 
- May pagka-perfectionist din daw ang karamihan sa mga panganay at madaling mawalan ng gana sa mga tao (at kapatid) na hindi masisipag
- Ang mga panganay daw ay may pagka-emosyonal at passionate sa mga bagay.  Nawawalan din sila ng gana sa mga taong walang kabuhay-buhay.

Susunod naman ang mga pang-gitna at mga bunso.

Tita Che-Che in Canberra

Nakalimutan kong sabihin sa mga taga-PB na si Tita Che-Che nga pala ay nasa Australia.  A-attend kasi siya ng conference dun e.  Che, ikaw ba ang magsasalita?

Since may kamag-anak kami sa Aus, nagkita-kita sila over the weekend. 

Tita Che-Che, don't forget the pics.  First time sa PB Blog ang picture from Australia. 

Paborito ni Tiyong

Sobrang daming rebelasyon kahapon sa birthday ni Tiyong.  Sobra akong nagulat sa kung sino ang mga bagong kabati ni Tiyong.  Nabalitaan ko kasi na parang kelan lang ang mga ibang pag-aaway na iyon.  Very good give peace a chance.  Having said that...parang meron na naman palang bago si Tiyong hahaha.  Yoko na ilagay dito kung sino.  Puwede mag-effort naman kayo mag-research.

Tapos during the speeches, walang patumanggang dineclare ni Tiyong na si Tito Jorge na pala ang paborito nyang anak hahaha.  Naging speechless si Tito JIm , kasi akala niya siya ang favorite.  At least si Ate Yet di na niya iisiipin na siya ang favorite ni Tiyong mwe hehehehe.  Paano naman di magiging paborito si Tito Jorge, e ginaya kasi niya kahapon ang regalo ni Tita Edith kay Camae nung Debut - yun bang i-i-ispell ang pangalan tapos bawat letter ay may katumbas na money of a different currency.  E di ba ang haba ng pangalan ni Tiyong Alberto S. Lising JR.  Kayo na ang magregalo nyan kay Tiyong!

Di naman sinabi ni Tiyong kung sino ang favorite nyang pamangkin.  Although si Ate ay nag-claim na siya raw yun.  Hula ko hindi, kasi di naman sumang-ayon si Tiyong (haha mang-intriga pa ba?).  Ang alam kasi ng PB si Ate Edith ang paborito ni Tiyong.  Kaso kahapon, iniisip ng iba na malapit na itong mapalitan ni Tito Egay.  Wow, di ba? 

Congratulations Kuya Evot

Sa Unang Araw ng Buwan ng Marso - may magandang balitang natanggap ang PB.

Si Kuya Evot ay Promoted! 

Siya ay Team Lead na.  Kungbaga ay Bisor na siya ng grupo niya.  Astig.  Tatahimik-tahimik lang si Evot kahapon, yun naman pala ay ma-pro-promote ngayon.

CONGRATULATIONS EVOT!

(teka, di ba Evot may HSB ka ngayong March?  =).  Hoy manlibre ka talaga ha!)

Eto ang mga reaksiyon ng mga taong tinext ko.

Tito Par - Ano na level niya?

Tita Edith - Ano na cya ngayon?

Tito Jim - Magkano na cya ngayon?

mwa hahahahaha.

Spammer

Spammer po ang tawag sa mga nanggugulo sa email o sa blog.  Napapansin na natin na sobrang dami na pong nag-co-comment ng kung anu-ano, at marami dyan ay automatically generated.  Kay po mag-se-set na tayo ng ibang settings para maiwasan na ito.

Madali pa rin naman.  Pagka-comment paki kopya lang po ang salitang lalabas sa screen, tapos iyon na yun, ma-po-post na ang comments.